لقراء كتاب لو أصبحت رئيساً لمصر

من يرغب أو يتوقع أن يقرأ فى هذا الكتاب أى كلمات جارحة غير مسئولة أو نقد غير موضوعى أو تطرف لفكرة ما أو تعصب أعمى لفريق ما ... ومن يطمع أن يقرأ كتاباً يدعو لانقسام أو يستثمر التنازع ويغذى الصراع ويؤجج النار المشتعلة أو يشعل ما خمد منها ... فليسمح لى أن أنصحه بعدم إستكمال القراءة ... فلن يجد ما يبحث عنه ... فطبيعتى الشخصية المعتدلة ومهام ومسئوليات المنصب الرفيع الذى أتحدث عنه وما يقتضيه هذا المنصب وما يحتاجه من عدل عند الحكم وموضوعية فى التحليل ووسطية فى التفكير وعقلانية فى القرارات وحرص على كل أبناء الوطن والمساواة بينهم فى الحقوق والواجبات والعمل على النهوض بهم جميعاً ... كل ذلك يمنع وينفى أن يجد الباحث عن التطرف أو التعصب مبتغاه فى هذا الكتاب ...

لقراء كتاب لو أصبحت رئيساً لمصر

الرئيس أكتر إنسان وطنى فى البلد كلها

الرئيس أكتر إنسان وطنى فى البلد كلها ... أكتر واحـد بيحـب مصر ... عـقـله كبير ... زكى جـدا جـدا ... بيفـهم كل حـاجـة ... عـمره ما غـلط .. ولا بيغـلط .. ولا هيغـلط ... لازم نؤيده ونقـف معاه على طـول من غـير ما نفكر ... لو فـكرنا يبقى عـيب .. ما يصحـش ... هـو إحـنا معـقـول ممكن نكون بنفهم زى الريس وألا نص تفكيره حتى .. أكيد الريس دماغـه مش عـادية كده زى بقـية الناس .. لا طـبعـا .. ما ينفعـشى دماغـات الرؤساء تكون عـادية .. أكيد دماغـتهم مخـتلـفـة .. وطـريقـة تفكيرهم مخـتلـفـة .. دول ناس مش عـادية أبدا .. خـاصة الريس بتاعـنا ... ده لما بيمشى فى الشارع الدنيا كلها بتـقـف له والمرور بيتعـطـل .. ولما بيعـدى على حـتة بتنضف وبتكون شكلها حـلو أوى .. ولما بيفـتح أى مشروع بيكون جـديد وحـلو .. لكن بعـد كده بيبوظ ..

اللى مستغـربه إن فى ناس مش فـاهـمة كده وبلاقـيها تعـترض على حـاجـات الريس بيعـملها .. أنا مش عـارف الناس دى دماغـها عـاملة إزاى .. ربنا يهديهم .. ويبطـلوا فـزلكة وفـلسفـة فـاضية .. الناس دى هـم سبب بوظـان البلد .. مبيعـجـبهمشى العـجـب .. وهـم سبب العـطـلة اللى إحـنا فيها .. من كتر كلامهم وغـباءهم البلد متلخـبطـة ومش عـارفـين نستقـر ..

الناس اللى بقـولكم عـليهم دول ناس غـريبة أوى وشاكاكين فى كل حـاجـة .. كارهـين نفسهم وبيحـسبوا نفسهم وطـنيين .. مبيفـهموش حـاجـة وبيحـسبوا نفسهم أزكيا ... لما الريس حـضر افتتاح اختراع جـهـاز عـلاج الإيدز وفـيروس سى ما صدقـوش .. ولما اتـفـق مع شركة أرابتك على بناء مليون شقة برضـوا ما صدقـوش .. لما قـالهم الأسعـار هـترخـص آخـر الشهر ما صدقـوش .. ولما قـالهم بكره تشوفـوا مصر ما صدقـوش ... ولما قـالهم مصر بتستيقـظ وقـت المؤتمر الاقـتصادى الكبير ما صدقـوش ... ولما قـالهم مصر بتفـرح وقـت افتتاح قـناة السويس الجـديدة ما صدقـوش .. بصراحـة الناس دى غـريبة أوى ..

على فـكرة الناس دى هى اللى بتعـطـل البلد .. لو كانت بتصدق وتعـمل زينا .. ماكانشى الريس وافـق على اتفـاقـية إثيوبيا .. وما كانتشى أسعـار البنزين والكهربا والميه والغـاز غـليت .. وما كانشى سواق الدرب الأحمر أتقـتل ولا كمان الواد الإيطالى ده ... ما كانشى حـد أتسـجن أو أتقتل أو أتعـذب وكان التعـليم بقى كويس والصـحة .. ولا الدولار غـلى و لا أى حـاجـة غـليت .. وكل كل حـاجـة بـقـت حـلوة جـدا ....

على فـكرة انا الحـمد لله طـول عـمرى راجـل وطـنى وطـول عـمرى بسقـف وأوافـق على طـول .. ما بتأخـرشى أبدا .. ومينفعـشى أتأخـر فى مرة ..

عـارفـين ليه ... لإنى وطنى وبحـب بلدى ...     14/4/2016

مقرنا

المقر المؤقت : ميدان حلمية الزيتون

ارقام التواصل

01013900867

01125231372

البريد الالكترونىى

egyptelections2018@gmail.com